25 Април, 2019
0.0310

Додека Владата бара помалку глобење, Пазарна инспекција прави рекорди

Објавено во: Економија 21 Март, 2019

Пазарната инспекција во 2018-та, и покрај декларативната владина политика за намалување на казнувањето, издала платни налози со три и пол пати повисока сума во однос на претходните години. Ова го покажува штотуку објавениот годишен извештај на Пазарниот иснпекторат сумирајќи ги резултатите од минатата година, а глобата е највисока во последните пет години.

Во 2018-та инспекторатот издал 1.558 казни во висина од околу 90 милиони денари, односно милион и пол евра, главно до трговците и угостителите. Најверојатно се уште неприлагодени на новонастанатата ситуација, казнетите во тековната година успеале да наплатат само 21 милион денари.

Ова е големо отскокнување во однос на претходните години во казнената политика, ако се знае дека извршениот надзор не е многу поголем од една година претходно и изнесува 22 илјади посети наспроти тогашните 17 илјади контроли. Во 2017-та бројот на испишани казни бил 424 казни во износ од 24,7 милиони денари. Слично било и во 2016-та кога со 577 казни биле побарани од прекршителите да платат 27,4 милиони денари.

Лани, покрај реонот на Скопје со 22 милиони денари, значителна сума од казни била издадена и во Штип со 14,2 и Охрид со 11,6 милиони денари. Најмногу посети имало кај трговците (10.373), угостителите биле проверени 4.584 пати, додека занаетчиите 2.429 пати. Кај туристичките оператори имало 421 проверка, во градежништвото 225 пати, дали е платена таксата за привремен престој било проверено во 203 случаи, а инструментите биле под скенер 1.072 пати. Дали се заштитени потрошувачите се проверило во 3.428 наврати, а дали се почитува законот за пушење во 1.370 ситуации, додека 236 пати дали одредена дејност е регистрирана.

„Бројот на инспектори во Одделението за инспекциски надзор Скопје во последните 15-на години е во континуиран пад од 60 државни пазарни инспектори на 16, а од друга страна надлежностите на Државниот пазарен инспекторат постојано се зголемуваат и истите се речиси двојно зголемени во однос на претходниот период“, се вели во извештајот.

Поплаките се дека инспекторатот нема соодветна база на податоци, односно софтвер за анализа и нивно поврзување, а во истите се вели дека телото располага со опрема, мебел и возила кои се постари од 20 години и дека голем дел од основните средства се неисправни и целосно нефункционални, посебно по подрачните оделенија, каде вработените сами ја одржуваат хигиената со сопствени средства.

А.К.

Можеби ќе ве интересира

Пука ли „Росњефт“ во празно: Пари легнуваат на контото на рускиот нафташ

Пука ли „Росњефт“ во празно: Пари легнуваат на контото на рускиот нафташ

Дали ќе поскапи цената на свинското пред претстојните празници?

Дали ќе поскапи цената на свинското пред претстојните празници?

Царинска политика по мерка на бизнисот

Царинска политика по мерка на бизнисот

Eве каде може да ги проверите годишните даночни пријави

Eве каде може да ги проверите годишните даночни пријави

Како им одеше бизнисот лани на компаниите за осигурување „Сава“ и „Еуроинс осигурување“ ?

Како им одеше бизнисот лани на компаниите за осигурување „Сава“ и „Еуроинс осигурување“ ?

Колку Мермерен комбинат ги плаќа менаџерите кои направија 22 милиони евра профит?

Колку Мермерен комбинат ги плаќа менаџерите кои направија 22 милиони евра профит?

Павле Гацов ги пофали новите даночни пријави

Павле Гацов ги пофали новите даночни пријави

НЕ ДАВААТ НИ ДОЛАР: Големи компании избегнале плаќање данок

НЕ ДАВААТ НИ ДОЛАР: Големи компании избегнале плаќање данок

Држ - не дај со новата методологија за цената на бензините: Зошто државата чекаше фотофиниш?

Држ - не дај со новата методологија за цената на бензините: Зошто државата чекаше фотофиниш?