ПО МАРАТОНСКИ РАЗГОВОРИ: Ќе направат ли Меркел и Шулц конечно влада?
Објавено во: Свет 12 Јануари, 2018
Во пробните преговори на конзервативката Ангела Меркел и социјалдемократите денес дојде до пробив, бидејќи двете страни се согласиле околу планот за отпочнување на формирање преговори за „голема коалиција“. Како што се наведува, со тоа се јакнеат перспективите на владата која повторно би ја сочинувале конзервативците и социјалдемократите, со што би се завршила политичката неизвесност во Германија, која трае уште од изборите одржани на 24 септември.
Денешниот договор ќе овозможи во наредните недели да се преговара за сите детали од коалициониот договор.
Претходно е соопштено дека преговорите за формирање на коалиционата влада на Германија помеѓу конзервативниот блок на канцеларката Меркел и Социјалдемократската партија се најдоа во ќорсокак, после повеќе од 20 часа разговори,
Неизвесноста околу формирање на германската влада ја ослабна улогата на Берлин на меѓународен план и покрена прашања за тоа колку канцеларката Меркел ќе остане на таа положба.