ПО НЕКОЛКУ НЕДЕЛЕН ПАД: Горивата од полноќ со повисоки цени
Објавено во: Економија 17 Февруари, 2020
Откако неколку недели цените на нафтените деривати бележеа пад, неделава што е пред нас ќе се продаваат за повисоки цени.
Ова станува јасно од одлуката на регулаторната комисија за енергетика од каде одлучија и бензините и дизелот од полноќ да се продаваат поскапо за половина денар.
Тоа значи дека оние кои возат автомобили на бензини, за ЕУРОСУПЕР БС-95 ќе плаќаат 66,00 денари за литар, аа оние кои возат на ЕУРОСУПЕР БС-98 литар ќе ги чини 68,00 денари.
Дизелашите пак, од друга страна за литар дизел ќе плаќаат 58,00 денари.
Цената на екстра лесното масло за домаќинство во следните седум дена ќе биде 46,50 ден/литар, а мазутот ќе чини 33,140 денари за килограм.
Цените на сила стапуваат од ноќеска на полноќ.