21 Октомври, 2020
0.0207

По петти пат филмски фестивал КИНЕНОВА – Од 8-ми до 18-ти октомври филмски од дома

Објавено во: Мои пари 17 Септември, 2020

Оваа година јубилејното петто издание на Меѓународниот фестивал на дебитантски филм, КИНЕНОВА доаѓа во сите домови и во секое парче на Македонија преку малите екрании Телевизија 24 вести. Новите услови кои се наметнаа при справување со корона кризата, доведе до тоа да се промени и начинот на одржување и организирање на филмскиот фестивал. Организаторите на КИНЕНОВА, оваа година одлучија реализацијата на фестивалот да биде во една поинаква форма, работејќи на тоа да се одржи континуитетот на пласирање и промоцијата на филмската уметност и тоа на најдостапен можен начин. Овој формат ќе ги спои авангардноста на оригиналниот авторски уметнички израз и атрактивноста на телевизијата како медиум, што во време на наметливите комерцијални содржини треба да донесе до конечна цел, поголема достапност и популаризација на филмската уметност.

Од 8-ми до 18-ти октомври љубителите на филмот и филмската уметност, но и сите кои што ќе сакаат да уживаат во атрактивни, квалитетни, необични и невидени филмски прикаски  претставени преку играни или документарни филмови ќе имаат можност да го направат тоа следејќи ја целата фестивалска програма од дома. Официјалната програма на фестивалот оваа година нуди неколку исклучително атрактивни програми исполнети со најнови, свежи филмови, кои гледачите во Македонија за прв пат ќе имаат можност да ги проследат и истите ќе бидат објавени наскоро на прес конференција. Како и секоја година главниот фокус е на главната натпреварувачка програма каде што оваа година ќе се натпреваруваат 7 сосема нови деби филмови од цел свет за наградите: Најдобар филм на фестивалот, најдобро сценарио, најдобар режисер и најдобар филм според публиката.

Посебен куриозитет и атракција оваа година е програмата КИНЕНОВА РЕТРО, која е всушност, посластица или подарок за сите следачи на КИНЕНОВА, а оваа година и сите ТВ гледачи во Македонија. Таа претставува ретроспектива на најдоброто од минатите четири години со цел да се одбележи малиот јубилеј, а во склоп на истата ќе бидат прикажани наградените филмови од сите четири изданија, но и некои други кои предизвикаа огромно внимание кај публиката или кои по прикажувањето на КИНЕНОВА станаа препознаени во голем број на земји и фестивали. Оваа програма започнува на 1ви октомври и ќе биде вовед во официјалниот дел на петтото издание на КИНЕНОВА.

Организаторите на КИНЕНОВА порачуваат дека уметноста секогаш ќе најде начин да се изрази пред патот до својата публика, а доказ за тоа е петтото издание на КИНЕНОВА. Тие велат дека нивната мисија е да се промовираат вредности за општо добро, а преку филмот вредностите ќе бидат пренесени на уникатен начин близок до гледачите.

КИНЕНОВА тимот ѝ порачува на публиката: Следете нѐ и не пропуштајте! Верувајте, нема да зажалите за ниту една секунда помината со КИНЕНОВА! 


Можеби ќе ве интересира

Хуавеи: Одлуката на Шведска за 5Г опремата е без основа

Хуавеи: Одлуката на Шведска за 5Г опремата е без основа

Избрани добитниците на наградната игра Охридска Банка и VISA- Визарата може сѐ

Избрани добитниците на наградната игра Охридска Банка и VISA- Визарата може сѐ

Омега со нови модели во колекцијата De Ville Tresor

Омега со нови модели во колекцијата De Ville Tresor

30 години „Варус“ на македонскиот и регионалниот пазар: Во партнерство со науката, посветени на животот

30 години „Варус“ на македонскиот и регионалниот пазар: Во партнерство со науката, посветени на животот

Huawei Watch GT 2 Pro - Време е за нешто елегантно и прецизно

Huawei Watch GT 2 Pro - Време е за нешто елегантно и прецизно

Есенско возење – подгответе се за сезоната на дождови

Есенско возење – подгответе се за сезоната на дождови

Благодарение на најновото партнерство на Httpool со Spotify, брендовите во Македонија конечно ќе можат да им се обратат на љубителите на музиката

Благодарение на најновото партнерство на Httpool со Spotify, брендовите во Македонија конечно ќе можат да им се обратат на љубителите на музиката

Халкбанк АД Скопје прва банка од регионот која се вклучува на глобалната коалиција „ПрајслесПланет“ на Mastercard

Халкбанк АД Скопје прва банка од регионот која се вклучува на глобалната коалиција „ПрајслесПланет“ на Mastercard

HUAWEI P smart 2021 пристигна на македонскиот пазар со quad камера, стилски дизајн и батерија од 5000mAh

HUAWEI P smart 2021 пристигна на македонскиот пазар со quad камера, стилски дизајн и батерија од 5000mAh