ПО ПРЕСУДАТА ЗА НАПАЃАЧОТ НА ШЕЌЕРИНСКА: Еве што Павле Богоевски напиша на Фејсбук
Објавено во: Македонија 12 Октомври, 2017
Панче Ангелов, насилникот кој на 27 април во Собранието на Република Македонија ја нападна тогашната пратеничка, Радмила Шекеринска од СДСМ, е осуден на четири години затвор за извршениот напад на дрзок начин.
По ова на Фејсбук се огласи пратеникот Павле Богоевски.
„Панче Ангелов, или попознат како дедото кој ѕверски ја нападна Радмила Шекеринска, доби 4 години затвор за своите постапки на 27-ми април.
Порано или подоцна, сите ќе одговарате - и извршителите и нарачателите и помагачите.
За крај, мало потсетување за моите колеги - вратари, воени злосторници и останатите учесници во државниот удар. Знаете дека пратеничкиот имунитет не ви важи во оваа ситуација, така?“ - напиша Богоевски.
Инаку, осудениот Ангелов по објавувањето на пресудата рече дека казната е превисока и дека ќе се жали до Апелациониот суд. Тој го призна делото, но се надеваше дека ќе помине без казна затвор.