По претседателските избори се поднесува предлог за декриминализација на канабисот
Објавено во: Македонија 19 Април, 2019
Невладината организација „Билка“ пред утрешниот „Коноп-фест“ во Градскиот парк објави дека по претседателските избори во Собранието ќе поднесе предлог законски измени на Кривичниот закон.
Од таму сметаат дека доколку се усвојат тие ќе доведат до декриминализација на употребата на канабисот во Македонија.
„Коноп-фест 2019“ оваа година под мотото „Билка што живот значи“ ќе се оддржи на два стејџа - Школка во Градскиот парк во Скопје каде што ќе се оддржат неколку едукативни предавања, по што ке следува настап на диџеи.и на полјаната таканаречена „Вембли“ на која ќе настапат повеќе македонски бендови и артисти.
„Дојдете во голем број да упатиме јасна порака до политичките фактори дека сме тука, дека сме многу и дека не сме криминалци“, гласи повикот на организацијата.
Настанот е закажан за утре од 13 часот до 1.00 часот по полноќ.