По седум месеци во куќен притвор Јакимовски издејствува поблага мерка
Објавено во: Македонија 16 Септември, 2019
Судија на претходна постапка одлучил да ја преиначи мерката куќен притвор за Стевчо Јакимовски .
Тоа значи дека по седум месеци екс градоначалникот се соочува поблаги мерки и тоа благодарение на прифатениот предлог од страна на судијата по барање на надлежен јавен обвинител, според информациите на Фокус.
Јакимовски во притвор заврши во март а во истовреме му беше забранета и комуникација со останатите обвинети од случајот со отуѓувањето на земјиште кое не било наменето за градење кај поранешниот ресторан „Имес“ по мошне поволни цени
Јакимовски според кривичната пријава која беше поднесена од МВР, од позиција на градоначалник им овозможил на три фирми да се стекнат со земјиште кое било во државна сопственост, така што го легализирал земјиштето спротивно на Законот.