По што е посебна гостиварската баклава која ја воодушеви Брнс?
Објавено во: Македонија 14 Јули, 2019
Гостивар е познат по баклавата, која се прави од многу тенки, сучени кори, внатре има фил од ореви, шербетот мора да биде погоден, и горе се ставаат рендани ф'стаци. Ова е описот за гостиварска баклава кој може да се најде на интернет.
Амбасадорка на САД, Кејт Мери Брнс, првите денови од нејзиниот мандат во земјава ги помина во Охрид каде се сретна со премиерот, Зоран Заев. Брнс се пофали на социјалните мрежи дека попат ја пробала гостиварската баклава.
„На пат назад за Скопје, амбасадорката Брнс ја проба познатата Рекорд баклава во Гостивар и смета дека е апсолутно превкусна. Што предлагате амбасадорката Брнс да проба додека патува во Скопје и низ земјата?“, стои на официјалниот Фејсбук профил на американската амбасада.
Таа ги прашува граѓаните што предлагаат друго да проба додека патува низ Македонија.
Граѓаните предлагаат да јаде пастрамајлија, тавче гравче, домашно правен ајвар, мекиците од Стража, бурек или варен геврек.