Побегнала од Дубаи, но не доби азил во Македонија
Објавено во: Македонија 12 Февруари, 2019
Девојка избегала од Дубаи плашејќи се за својата безбедност, Македонија одби да ѝ даде азил.
Хинд Мохамед Алболуки(42) од Обединетите Арапски Емирати избегала во Република Македонија и очајно моли за азил, пишува Си-ен-ен.
Алболуки тврди дека избегала од Дубаи поради сериозните закани од сопственото семејство бидејќи побара развод од сопругот.
Но, Македонија на 4 февруари годинава го одбила нејзиното барање за азил. Хинд сега се наоѓа во притвор за емигранти, каде престојува од 7 декември лани, и се плаши дека властите ќе ја вратат во Емиратите.
Алболуки објаснува дека семејството се обидело да ѝ го одземе пасошот и дека во тој момент сфатила дека мора да избега.
„Имам четири деца. Ниедна мајка не би ги напуштила децата туку така. Морав тоа да го направам, немав избор“, вели таа.
Иако одлуката на МВР за одбивање на нејзиното барање за азил во земјава беше обжалена, Управниот и Вишиот суд одлучија да се одбие барањето. И покрај тоа што нашите институции во рекордно време одлучија околу судбината на Хинд, во моментов нивните одлуки се замрзнати од страна на Европскиот суд за човекови права.