Почна да работи новата експозитура на УНИБанка во Аеродром - Порта

Добивај вести на Viber

УНИБанка продолжи со својата стратегија да обезбеди квалитетна грижа и услуга за своите клиенти, со акцент на достапноста на финансиските услуги преку уникатна комбинација на современа деловна мрежа и непосреден контакт со клиентите со максимално дигитализирани услуги.  

Од УНИБанка информираат дека во понеделникот почна со работа нова експозитура во општина Аеродром лоцирана на улицата Методија Шаторов-Шарло број 1 во зградата Порта Аеродром .

„Нашата цел е да ја зголемиме достапноста на банката, како и да овозможиме уште подобро корисничко искуство за своите клиенти. Во модерен и современ амбиент следејќи ги нашите корпоративни обележја креиравме ново и пријатно место кое ќе обезбеди современа и висококвалитетна услуга за жителите на градот Скопје за сите наши продукти и услуги“, велат од УНИБанка.

Од УНИБанка додаваат дека проширувањето на деловната мрежата нема да запре, односно планирано е отворање на уште две нови експозитури –во новиот трговски центар во Скопје Ист Гејт Мол и во скопската населба Капиштец, а банката истовремено ќе продолжи со надградување на своите дигитални услуги, се со цел задоволување на финансиските потреби на клиентите како и негување на долгорочни релации и соработка.