Почнал со еден компјутер во соба, а денес ги подучува другите како до успешен бизнис
Објавено во: Финансии 23 Март, 2019
Пред 7 години Милан Трбојевиќ ја основал фирмата за книговодство „Knjiški moljac“.
Имал доволно знаење за оваа работа, но многу работи морал да научи.
Денес неговата фирма има 20 вработени, а планира да соработува со земјите од регионот.
Освен со книговодство, тој се занимава и со едукација, затоа што сфатил дека за тоа има потреба, пишува bizlife.
„Почнав прво да работам во својата соба. Агенцијата ’Knjiški moljac’ ја основав во 2012 година, а денес во неа работат 20 луѓе“, вели тој.
Додава дека почетокот не бил лесен, имал само 22 години и не знаел дали ќе заработи пари или не. Објаснува дека по три месеци можел да ги покрива своите трошоци, и тоа му било супер. Вели дека татко му му помогнал, а делел и летоци, што исто така му донело резултати.