10 Декември, 2019
0.0244

ПОЧНУВААТ КАВГИТЕ ЗА ЕКОНОМИЈАТА - министерката Ангеловска ќе го брани првиот свој буџет

Објавено во: Финансии 24 Ноември, 2019

Најзначајниот економски документ, буџетот, од утре е на разгледување на матичната собранска Комисија за финансирање и буџет. Точката за предлог буџетот е веќе ставена на дневен ред на комисијата.

Министерката за финансии Нина Ангеловска ќе има прилика да го брани пред народните избраници првиот свој буџет, откако годинава тоа го стори со ребалансот на годинашнава државна каса. 

Таа ќе треба на опозициските, но и на владејачките пратеници, да им објасни зошто е најдобо 3,9 милијарди евра народни пари да се потрошат на начин на кој тоа го скроија владините министри, и да ги убеди дека економските политики и мерки што ги планира власта ќе вродат плод за подобар животен стандард на граѓаните, но и за поповолни услови за работа на компаниите.

Согласно Деловникот за работа на Собранието, вообичаено за расправа на Комисијата за буџет на пратениците им се дадат на располагање 10 дена, од кои пет за општа дискусија, а пет за расправа и гласање по амандманите. 

Според нашите сознанија, пак, на 16 декември е предвидено предлог буџетот за идната година да се најде на пленарна седница на Собранието, каде пратениците имаат на располагање уште пет дена да дебатираат, а потоа и да гласаат за националната каса. 

А опозициската ВМРО-ДПМНЕ ќе го „нападне“ предложениот буџет за идната година со голем број амандмани, најверојатно меѓу 300 и 400 предлози за корекции на владината верзија за тоа како идната година треба да изгледа националната каса.

ВМРО-ДПМНЕ годинава најмногу ќе се концентрира на ниските капитални инвестиции, за кои Владата идната година предвидува сума од 383 милиони евра, или, како што велат, целосниот недостиг од капитални инвестиции. 

„Со амандманите ќе бараме за капитални инвестиции да се издвојат поголеми суми, а парите за таа намена да се префрлат од високо предвидениот износ за договорни услуги, како и од другите непродуктивни трошоци што ги бара власта“, велат од опозициската партија. 

Власта минатата година првично предвиде сума од над 400 милиони евра за капитални расходи, но со оглед што постојано има нивно потфрлање, реши оваа година да ги проектира на, како што наведе, реални основи.

Инаку, Буџетот за идната година е предвидено да тежи 3,9 милијарди евра, што е најголем буџет досега, а се базира на планиран раст од 3,8 отсто, и буџетски дефицит од 2,3 проценти од БДП.

( Н.Н.Ф.)

Можеби ќе ве интересира

За прв пат во историјата: Домашни банки ја „спасуваат“ Македонија со 135 милиони евра

За прв пат во историјата: Домашни банки ја „спасуваат“ Македонија со 135 милиони евра

Ампева за регресот: Газдите возат џипови, но пријавуваат загуби за да исплатат минимален К15

Ампева за регресот: Газдите возат џипови, но пријавуваат загуби за да исплатат минимален К15

КАКО ЌЕ СЕ ПОКАЖАТ ДОМАШНИТЕ ГАЗДИ - ќе дадат минимален или максимален К 15

КАКО ЌЕ СЕ ПОКАЖАТ ДОМАШНИТЕ ГАЗДИ - ќе дадат минимален или максимален К 15

ММФ останува без клиенти?

ММФ останува без клиенти?

Аргир: Наградата за најдобра банка ја посветувам на Љубе Раевски

Аргир: Наградата за најдобра банка ја посветувам на Љубе Раевски

Ќе се намалат 12 од 30 царински стапки што ги бараа странските инвеститори

Ќе се намалат 12 од 30 царински стапки што ги бараа странските инвеститори

Плата од 500 евра газдата го чини 750 - давачките превисоки за малите фирми

Плата од 500 евра газдата го чини 750 - давачките превисоки за малите фирми

50.000 ЕВРА - толку ќе тежат двете главни премии од МојДДВ #МојаНаграда

50.000 ЕВРА - толку ќе тежат двете главни премии од МојДДВ #МојаНаграда

Анти-коцкање со отворено писмо до Заев: Рековте дека нема повеќе да издавате лиценци

Анти-коцкање со отворено писмо до Заев: Рековте дека нема повеќе да издавате лиценци