ПОДАТОЦИ ЗА ПЛАТИ: Еве колку заработуваат Германците
Објавено во: Финансии 23 Мај, 2020
Германците лани во просек заработувале по 3.994 евра бруто, а со тоа просечниот годишен бруто приход во Германија чини скоро 48 000 евра.
Во 2019 година просечната плата за жените била за околу 20 отсто помала од таа на мажите. Но, сега приходите на Германците се очекува да паднат, а тоа ќе влијае на пензиите, чиј раст зависи од растот на бруто-платите.
Во секторите банкарство и осигурување, информатика и комуникации, енергија, просечната месечна плата е во опсег од 5.137 евра – бруто 5.393 евра. Повеќе заработуваат вработените во производството на нафта и сродните активности, каде просечните плати се дури и помеѓу 6.000 и 7.000 евра.
Приходите се многу пониски во хотелската индустрија, каде просечно се заработуваат 2,451 евра бруто месечно. Оние што се занимаваат со посредување при вработување заработува просечно 2.460 евра бруто.