ПОДОБРО ОБУЧЕНА РАБОТНА СИЛА: Половина за компаните, половина за подобра конкурентност на пазарот
Објавено во: Економија 20 Мај, 2019
Три компании од
земјава ќе обучуваат работници за свои потреби. Преку Фондот за можности компании
од три различни области се избрани во првиот дел од овој проект за обучување на
кадри или доквалификација на работната сила кои се потребни на самите компании.
Со овој проект е предвидено најмалку 50 отсто од обучените, фирмата да ги задржи како свои вработени, во временски период од најмалку шест месеци.
Целта која треба да го постигне овој проект е вработување на половина од обучените но и останатите половина работници со поголема квалификација во одредена област да бидат по кокуренти на пазарот на трудот. Но, и финансиски да се помогнат компаниите за потребата на работната сила.
Стефан Томагиан од Швајцарската амбасада во земјава на денешната прес конференција во Стопанската Комора на Македонија истакна дека овој е долгорочен проект, од 10 години за кои се планирани вкупно 12.000.000 евра.
Три фирми од различни области и различни региони од земјава ќе вршат вакви обуки на работна сила во простории на компаниите за свои потреби.
Компаниите во змејава имаат потреба од работна сила која е добро потковена, стручна и обучена за потребите на компанијата, иселувањето на граѓаните, посебно на веќе квалификуваниот кадар е исто така горлив проблем, потребана е и реформа во образовниот процес, побрзи и квалификувани стручни кадри, се неколкуте ризици кои им се потребни или со кои се соочуваат компаниите, истакнаа претставниците на избраните три компании.
Младата работна сила со голем интерес за овој вид на обуки за одредени области. Претставниците на компаниите потенциираа дека голем број на млади се пријавиле на обуките, некои од нив според компаниите се обучуваат за да останат на работа во компаниите, но голем дел од нив се квалификуваат за да имаат поголем астручност на пазарот на трудот во странство.
Стопанската комора на Македонија и во иднина ќе работи на оваа проблематика.