Подољак: Украина нема да даде ништо за да го спаси лицето на Путин
Објавено во: Свет 17 Мај, 2022
Киев и Москва потврдија дека преговорите се суспендирани.
Заменик-министерот за надворешни работи на Руската Федерација, Андреј Руденко кажа дека засега нема преговори меѓу двете земји. Вели дека Киев не дал одговор на рускиот нацрт-договор. Руденко кажа дека украинската страна „се обидува да ги замагли одредбите кои се веќе договорени во претходните фази“ од преговорите.
„Процесот на преговори меѓу Украина и Руската Федерација е прекинат. Сепак, ќе биде обновен и, ми се чини, Зеленски ќе биде модератор“, рече Подољак.
Вели дека Украина нема да даде ништо „за да го спаси лицето на Путин“, затоа што „општеството платило огромна цена“. Последната рунда преговори се одржа во Истанбул на почетокот на април.
Русија на 24 февруари ја нападна Украина, а руските сили сега ја имаат под контрола и челичарницата Азовстал во градот Марипол, каде украинските борци долго време пружаа отпор.