“Погледни лево десно, стигни до училиште лесно”, сообраќајна едукација за ученици поддржана од ИутеКредит

Добивај вести на Viber

Како општествено одговорна компанија, ИутеКредит во својата стратегија вклучува и проекти од јавен интерес, а еден од нив е и квалитетното образование.

Симболично по повод европската недела на мобилност, ИутеКредит го посети основното училиште “Димитар Миладинов” во Скопје, кадешто во соработка со Републичкиот совет за безбедност на сообраќајот на патиштата учениците од второ одделение имаа интерактвно предавање на тема Сообраќај.

Што всушност е сообраќај? Што значат светлата на семафорите? Како правилно се поминува и движи на улица? Што означуваат сообраќајните знаци? – беа само дел од прашањата на кои се дадоа одговори и се учеше правилно учество во сообраќајот.

Дополнително, како специјален гостин на предавањето, учениците имаа можност да го запознаат Игор Стефановски-Иџе, Европски шампион во рели трки и заштитно лице на ИутеКредит. Од него, како искусен учесник во сообраќајот учениците можеа да слушнат корисни совети за движење, брзина и претпазливост како правила за возење во автомобил.

Основното училиште “Димитар Миладонов” во Скопје е првото во низата посети кои ИутеКредит ќе ги реализира и во другите градови во државата во наредниот период и ќе допринесе за сообраќајната едукација кај учесниците во сообраќајот од најмала возраст.