ПОЛИЦАЈЦИ СПАСИЈА ТЕТОВЕЦ ЗАТРУПАН ВО СНЕГ НА ГАЛИЧИЦА: Заглавил со возилото поради големи снежни наноси
Објавено во: Македонија 29 Декември, 2021
Екипа од СВР
Битола, синоќа во 20.30 преку 192 добиле повик за помош од страна
на П.Х.(57) од Тетово. Според пријавеното, поради големи снежни
наноси на планината Галичица, П.Х. заглавил со патничко возило „џип“, со
албански национални ознаки, на регионалниот пат Отешево – Свети Наум, на кој
има активна забрана за движење со возила во зима, соопштија од МВР.
Полициски службеници од Граничен премин Стење веднаш излегле на терен, при што во 21.00 часот во близина на место викано Ски-центар Галичица било пронајдено заглавеното во снег возило, на П.Х. му била укажана помош и безбедно бил извлечен со возилото и спуштен на безбедно место на главниот пат.