ПОЛИЦИСКИ ЧАС, ВНИМАВАЈТЕ: Од денеска движење до 16:00

Добивај вести на Viber

Од денеска движењето на гаѓаните е дозволено до 16:00 на територијата на цела држава. Владата ги засили меркте во борбата против ширењето на коронавирусот. Согасно мерките, од понеделник до петок, движење е дозволено од 05.00 до 16.00 часот, а за викендите, ќе биде воведен уште построг режим за сите граѓани, што ќе значи забрана од 16.00 во петок до 05.00 часот во понеделник.

Мерките кои се однесуваат на повозрасните граѓани над 67 години во деновите во текот на неделата се следни: излегување надвор само од 10.00 до 12.00 часот, како и за помладите од 18 години, кои ќе смеат да се движат само од 13.00 до 15.00 часот.

-Исклучоците важат за вработените лица во МВР, припадниците на Агенцијата за национална безбедност, Министерството за здравство, Министерството за одбрана, противпожарните територијални единици, Царинската управа, земјоделските лица и фармери кои работат и се движат во атарот на руралните средини и оние кои одгледуваат раноградинарски култури и имаат неодложни активности за одгледување на истите во овој период, млеко производителите, како и другите лица и институиции опфатени во исклучоците за овие мерки и забрани, наведуваат од Владата.

Според Министерството за здравство, доколку се укаже потреба, можно е да се воведат уште построги мерки, иако, овие сега се доволни. Министерот за здравство Венко Филипче вели дека според статистичките податоци, не би требало да има подрастично зголемување на бројот на заразени лица.

-Сметаме дека овие мерки се доволни, целосно ограничен викенд, разграничување на двете старосни групи и согласно тие резулати сме подготвени да интервенираме во мерки, истакнува министерот Филипче.