ПОЛИЦИСКИОТ ЧАС УШТЕ Е ВО ИГРА - Брнабиќ вели - не се откажала
Објавено во: Балкан 15 Јули, 2020
Премиерката на Србија, Ана Брнабиќ, изјави денеска дека ситуацијата со ширењето на коронавирусот во Србија е исклучително тешка и сложена и дека не се откажала целосно од воведувањето на полициски час, но дека целиот Кризен штаб мора да се согласи со таквата одлука.
„Одбравме да се бориме на поинаков начин, и секако најефикасна борба е кога се воведува вонредна состојба и забрана за движење и со тоа физички оневозможени контакти меѓу луѓето, што по 14 дена дава подобра состојба, помалку заразени, а со тоа и помалку луѓе во болниците“, рече Брнабиќ во емисија на РТВ Војводина.
Таа вели дека како некој што е на чело на Кризниот штаб, не се откажала целосно од полицискиот час, но дека сите членови на Кризниот штаб мора да се согласат со таа одлука.
Брнабиќ изјавува дека експлозија на новозаболени има насекаде низ светот, не само во Србија и дека никој не очекувал дека вирусот ќе биде толку присутен во текот на летните месеци.
Тој посочува дека борбата против вирусот корона е борба на целото општество, не само на Владата на Србија и кризниот штаб и дека не е соодветно да се поткопа довербата во професијата.