ПОЛОВИНА ГИ ДОНИРАЛЕ ПАРИТЕ ОД МОЈДДВ, ПОЛОВИНА ГИ ЗАДРЖАЛЕ - државата досега собра 100 илјади евра
Објавено во: Финансии 03 Мај, 2020
Граѓаните секој според своите наоѓања и математики за тоа дали парите собрани преку МојДДВ од скенирањето на фискални сметки треба да се донираат или не.
Бројките се речиси идентични, односно само малку повеќе од половина одлучиле да ги задржат парите, а другите се решиле да и ги донираат на државата за борба против корона вирусот.
Како што јави ТВ Сител, според податоците на УЈП заклучно со 30 април годинава, од сите кои одлучиле да ги донираат парите од повратот, собрани се близу 100 илјади евра донација.
Притоа, 5.539 граѓани одлучиле ги дадат парите, а 5.874 ги задржале средствата.
Во меѓувреме бројката на оние кои ги донираат парите од скенираните сметки на апликацијата МОЈ ДДВ достигна над 6.000.
Пред една недела УЈП ја надгради апликацијата МОЈ ДДВ со уште две опции за граѓаните. Го донирам мојот поврат на ДДВ за оние кои сакаат да ги дадат средствата и оцијата Не благодарам, за оние кои ќе одлучат да не ги донираат парите.
Средствата од Мој ДДВ може да се донираат до 5 мај. Од УЈП информираат дека за 4 дена ќе започне и исплатата на парите од повратот за првиот квартал.