ПОМАЛИТЕ ПАРТИИ МУ ДАВААТ ПОДДРШКА НА ЗАЕВ: Коалицијата е стабилна, да не се замајува јавноста

Добивај вести на Viber

Како обиди за замајување на јавноста ги коментира, Демократскиот сојуз на Власите, последните шпекулации околу стабилноста на владината коалиција. Во соопштение потпишано од претседателот на Демократски сојуз Николче Бабовски, актуелен директор на Агенцијата за храна, стои дека мнозинството е стабилно и дека работеле само во интерес на јавноста. Поддршка за владината коалиција стаса и од Демократскиот сјуз на Павле Трајанов. Демокрстскиот сојуз како дел од стабилното владино мнозинство, цврсто стои на ставот дека треба да продолжиме заедно со цел Македонија да се движи напред, велат оттаму. Во текот на денот и други партии ја дадоа поддршката - меѓу нив ВМРО Народна партија на Љубчо Георгиевски и НСДП.

Бабовски велидека за само неколку години оваа коалиција ја врати државата на прав пат, решавајќи ги децениските прашања. 

„Впрочем народот не заборава како е да се живее во затворена земја и режим, а како во демократија со европска иднина. Оваа владина коалиција и покрај сите предизвици како однадвор така и од внатре, останува цврста, обедината и сплотена во намерите да работи за напредокот на земјата и тоа и понатаму останува наша највисока цел. Демократскиот сојуз на Власите и понатаму останува дел од оваа коалиција затоа што препознавме вредности со кои Република Северна Македонија продолжува напред по демократскиот  и европскиот пат, стои во соопштениетоод Демократскиот сојуз на Власите.

Од партијата на Павле Трајанов пак ги повикаа своите членови и симпатизери, како и сите граѓани, на 31 октомври 2021 година, да излезат масовно и да гласаат за кандидатите за градоначалници на Коалицијата Најдоборото за мојата општина.

„Остануваме цврсто определени за реформите кои обезбедуваат да останеме на патот кон Европската унија, да јакне стабилноста и економскиот развој. Само сите заедно можеме да направиме пресврт и во вториот изборен круг да обезбедиме победа, а со тоа поддршка на владините политики кои се во интерес на граѓаните. Демократскиот сојуз, со одбрана на своите принципиелни ставови и активности ќе работи во интерес на сите граѓани како и на развојот на државата, велат од Демократски сојуз. 

ОД ВМРО-НП велат дека  остануваат на своите заложби за континуиран напредок во развојот на демократското општество и стабилен животен стандард како и растот и развојот на македонската економија, а притоа водејќи се од интересот на граѓаните и нивната желба за интеграција во Европското семејство, процес кој оваа Владина коалиција го интензивира заедно со нив како дел од мнозинството.

„ВМРО-Народна партија како дел од Владината коалиција која во моментов држи стабилно парламентарно мнозинство мора да го реализира до крај зацртаниот пат кон конечна интеграција на државата во ЕУ, а тоа може да го направи само со цврста волја и стабилен тим кој го поседува токму оваа коалиција „Најдоброто за нашата општина“, стои во соопштението.

Од НСДП велат дека резултатите од првиот круг на локалните избори, поддршката од граѓаните која ја добиле како коалиција, создава дополнителна обврска да продолжат напред.

НСДП е цврста и единствена во одлуката за останување во владејачкото мнозинство и продолжување по политичкиот пат кој води кон прогрес на државата, за активно партиципирање во креирањето и спроведувањето на национални и локални политики кои се во функција на интересот на сите граѓани. Ги повикуваме граѓаните во вториот изборен круг својота поддршка да ја дадат на коалицијата „Најдоброто за мојата општина“, затоа што тоа е избор не само за најдобрата понуда за општините, туку и за државата, за стратегиските определби за европеизација на Република Северна Македонија, велат од НСДП.