ПОМАЛКУ ПАТНИЦИ ВО ВОЗОВИТЕ: Со што најчесто се возат граѓаните?

Добивај вести на Viber

Граѓаните поретко се возат во воз, за сметка на другите видови на сообраќај кои се во подем. 

Според податоците на Државниот завод за статистика, во првото тримесечје од 2017 година, во однос на истото тримесечје од 2016 година, во патниот патнички превоз, бројот на превезените патници е зголемен за 1.4%, во градско-приградскиот превоз за 6.9%, во воздухопловниот превоз за 7.1%, додека бројот на превезените патници во железничкиот превоз е намален за 38.6%. 

Во однос на четвртото тримесечје од 2016 година, бројот на превезените патници во патниот патнички превоз е намален за 5.8%, во градско-приградскиот превоз за 0.5%, во железничкиот превоз за 37.0%, додека во воздухопловниот превоз намалувањето изнесува 10.5%. 

Во првото тримесечје од 2017 година, во споредба со првото тримесечје од 2016 година, количеството на превезената стока во товарниот патен превоз е зголемено за 69.6%, во железничкиот превоз е намалено за 18.5%, додека во воздухопловниот превоз намалувањето изнесува 30.2 %. 

Во однос на четвртото тримесечје лани,  количеството на превезената стока во товарниот патен превоз e зголемено за 24.6%, во железничкиот превоз е намалено за 19.8%, додека во воздухопловниот превоз намалувањето изнесува за 14.3%.