ПОМИНА УШТЕ ЕДНА ТЕШКА НОЌ: Состојбата далеку од спокојна, гнев и страв од епидемии!
Објавено во: Македонија 10 Август, 2016
Последователна тешка ноќ во Македонија. Ситуацијата гневна, и далеку од спокојна за оние кои изгубија се за една ноќ.
На улиците се уште има тонови кал и ѓубре. Граѓаните се загрижени дека сега, кога дождот престана, калта во еден момент ќе доведе до болести и епидемии.
Многу од нив носат маски, кога се движат во градот, бидејќи воздухот во последните неколку дена е исклучително тежок за дишење.
Сеуште во многу од куќите има вода, тонови кал и кога температурите се зголемат, мирисот е страшен.
Се побројни се граѓаните тврдат дека никој не им помага со расчистувањето на поплавите и нивните домови. Во моментов се чистат централните улици, но во крајните подрачја нема тимови кои ќе им помагаат на луѓето. Оставени се сами на себе.
Се жалат дека државата не се зафатила со евакуација на ѓубрето, кое се наоѓа на улиците. Буквално пред секоја куќа луѓето ја оставаат покуќнината на тротоарите.
„4 дена чекаме некој од градоначалниците да дојде, за да го фрлаат ѓубрето“, раскажува граѓанин во погодените подрачја.
„Гледаш како луѓето умираат и не можеш да им помогнеш„. Така Рамуш од скопската населба „Сингелиќ“ ги опиша поплавите што го опустошија Скопје, Тетово и други помали населени места во Македонија.
Според него Македонија преживеала вистинско цунами, „Божја катастрофа“.
Катастрофата зеде најмалку 22 жртви. .Меѓу жртвите има возрасни луѓе, но и мало дете. Трагаат се уште по исчезнати.
Спасувачките екипи ги бараат во амбиент, кој повеќе личи на бојно поле - разурнати згради, мостови, свртени автомобили, дворови, се се претвори во езера.
На место работи тешка воена техника, во градот се и екипи на бугарски и српски пожарникари. Се собираат донации од Црвениот крст. Најпотребни се храна, облека, гумени чизми, средства за хигиена.
Рамуш го направил неговиот магазин во пункт за раздавање на минерална вода, доаѓаат и други луѓе кои оставаат помош за настраданите. „Државата избега“, изјави тој пред камерите на телвизиите.
Според него експремиерот Никола Груевски и високи функционери ја посетиле поплавената населба поседеле за кратко и едноставно си заминале. Имено исклучително политички ветувања можеби се „удавија во Сингелиќ во каналот кој веќе 20 години е во изградба.
„Сите политичари не лажат: „Ќе го градиме!“. Ако беше чист, тоа можеби немаше да се случи“, дециден е тој.