Попоски: Решението за тоа дали ќе има избори не треба да го носи некој од надвор

Добивај вести на Viber

Вицепремиерот и министер за надворешни работи, Никола Попоски денеска во Брисел имаше средби со повеќе европратеници и учествуваше на конференцијата во Европскиот парламент посветена на жртвите од Холокаустот, јави дописникот на МИА.

Шефот на македонската дипломатија испрати и порака во однос на некои странски притисоци за тоа дали и кога треба да има нови парламентарни избори со цел излез од политичката криза во Македонија.

„Не мислам дека решението за тоа дали ќе има избори и кога тие ќе се случат треба да го носи некој надвор од Република Македонија. Тоа е решение што треба да го донесеме во Република Македонија и единствениот начин на кој можеме да се договориме околу тоа е низ демократските институции. Со други зборови, Собранието на Република Македонија одлучува, граѓаните на Република Македонија имаат право да дадат мандат за таква одлука“ - вели Попоски. 

Во Законодавниот дом на Европската унија, шефот на македонската дипломатија се сретна со европратениците Дубравка Шуица (потпретседател на Комитетот за надворешни работи на ЕП), Кнут Флекештајн, Маријана Петир, Едвард Кукан и многу други пратеници во Европарламентот. Според него, во делот на тоа што се очекува како помош од Европскиот парламент, неговата порака до нив била едноставна.