Поради невакцинирање, заболени повеќе од 1.300 од морбили во БИХ
Објавено во: Балкан 03 Август, 2019
Во последните неколку месеци БИХ се бори против најголемата епидемија на сипаници. Од почетокот на годината до август, 1.304 случаи на морбили биле пријавени во Институтот за јавно здравје. Од регистрираните, 99 проценти биле невакцинирани, имале непознат статус на вакцина или не примиле доволно вакцини.
- Во последните две недели, бројот пријавен во Федерацијата е многу помал отколку во претходната недела, делумно заради зголемената стапка на вакцинација, а делумно заради самата природа на заболувањето и неговиот сезонски карактер, училишните празници и други фактори - рекоа од Институтот за „Аваз“.
Најмногу заболени биле во кантонот Сараево, 854, потоа во Централна Босна 285 и во Унско-Санскиот реон 83.
- Поголемиот дел од пациентите, околу 48 проценти, се деца под четири години, а приближно 17 проценти се деца на возраст меѓу пет и девет години. Најважната интервенција за да се спречи појавата на болеста е да се достигнат 95 проценти покриеност со вакцинирање за деца со две дози вакцина во областа на сите кантони и вакцинација на други кои не се вакцинирани, велат одИнститутот.