Поради семејно насилство избега од земјата и сака да бара азил во странство
Објавено во: Свет 07 Јануари, 2019
Саудиската девојка која во странство бега поради семејно насилство, сепак нема да биде депортирана дома.
18-годишната Саудијка, која побегна од нејзиното семејство, а потоа беше „заглавена“ на аеродром во Бангкок на нејзиниот пат кон Австралија, нема да биде вратена во Саудиска Арабија против нејзината волја. Ова го соопштија денеска тајландските власти.
Рахаф Мохамед ел Канун денеска се сретна со претставници на Високиот комесаријат за бегалци на ОН (УНХЦР), каде што побарала да не се враќа назад кај нејзиното семејство.
„Мојот живот е во опасност. Семејството се заканува дека ќе ме убие поради тривијални работи“, истакнала Рахаф.
Таа тврди дека е жртва на физичко и психичко насилство од членови на семејството и стравува за својот живот доколку се врати дома.
Сака да оди во Австралија, каде има намера да побара азил.
Министерството за надворешни работи на Саудиска Арабија ги негираше нејзините тврдења дека нејзиниот пасош бил одземен во саудиската амбасада, со објаснување дека таа всушност била запрена на аеродромот поради кршење на тајландските закони за имиграција.