Поради водена криза или увоз на отпад: Нејасно зошто бугарскиот министер даде оставка и е приведен
Објавено во: Балкан 11 Јануари, 2020
Оставката на министерот за животна средина и вода на соседна Бугарија Нено Димов беше депонирана во кабинетот на премиерот Бојко Борисов.
Борисов ја прифатил оставката на министерот Димов, соопштила прес-службата на Советот на министри, пренесоа бугарските медиуми.
Зачера, Нено Димов беше приведен 24 часа по претресот на неговиот дом и канцеларија.
Првично, тој беше однесен само на сослушување од страна на обвинителство, но подоцна беше приведен.
Сè уште не е јасно кои се конкретните наводи за Димов - дали тие се поврзани со водната криза во Перник или аферата со италијанско ѓубре увезена во земјатва. Обвинителството се очекува да даде повеќе информации деновиве.
Поради кризата со вода, завчера се одржаа акции на Обвинителството, МВР, САНС и Антикорупциската комисија во Перник. Беа извршени претреси во зградите на Регионалната администрација. Беа испрашани повеќе од 30 луѓе, пишуваат медиумите од соседството.
Државното обвинителство проверува зошто снабдувањето со вода на индустриските корисници во Перник не било запрено во многу претходна фаза, кога веќе било јасно дека нивото кај браната Студена е критично ниско. Од особен интерес за истражителите се распоредот што МООВ треба да го подготви за количини на вода и достапност на сите брани низ целата земја. Проверени се и околностите на измамата за отпадоци од Италија.
Нено Димов ја има функцијата министер за животна средина и вода повеќе од две и пол години, откако беше избран на 4.05.2017 година . Тој беше предложен на функцијата од коалицискиот партнер ГЕРБ - Обединети патриоти, потсетува Днес.бг.
Нено Димов е добро позната фигура во политиката, поранешен заменик министер, пратеник и претседател на Институтот за десничарска политика.
Фото: BSTV.bg