Поранешна албанска министерка: Северна Македонија да не биде казнета поради Албанија

Добивај вести на Viber

Клајда Ѓоша, поранешната албанска министерка за интеграции, како гостинка во тиранската телевизија Ора Њуз порача дека Македонија, која членството во ЕУ го продолжува во пакет со Албанија, не треба да биде казнета поради нејзиниот сосед.

Поранешната пратеничка од Социјалистичкото движење за интеграција (ЛСИ) Клајда Ѓоша рече дека државата направила неверојатна жртва, како што е промена на името, што е постигнато со договорот со Грција, во момент кога не се очекувало и дека спровеа неколку клучни реформи, поради што, како што вели таа, земјата треба да биде наградена со Датум за преговори со ЕУ во октомври, за разлика од Албанија која заостанува на тој пат.

– Посакувам Северна Македонија да не губи време поради Албанија. Знам дека Северна Македонија направи една неворојатна жртва. Да го смениш името е навистина нешто големо не само за земјата туку и за нејзините граѓани. Тие постигнаа договор со Грција во момент кога не се очекуваше да се постигне таков договор. Заслужуваат да почнат преговори со ЕУ и заради многуте превземени реформи. Посакувам да не биде казнета од ситуацијата во која се  наоѓа Албанија, наведе Ѓоша.

Таа е песимист дека Албанија во октомври може да добие датум бидејќи, според неа, не исполнила ниту една од препораките, дури, како што нагласи, може да се додаде уште некоја.