Поранешниот фронтмен на Пинк Флојд го нападна Бајден дека е воен злосторник кој ја поттикнува војната во Украина
Објавено во: Свет 08 Август, 2022
Бајден е воен злосторник кој поттикнува војна во Украина, изјави поранешниот фронтмен на Пинк Флојд, Роџер Вотерс.
Тој дал интервју за Си-Ен-Ен во кое, меѓу другото, го обвинил новинарот дека премногу верува во пропагандата на неговата ТВ станица, пренесуваат медиумите во светот.
„Па, тој го разгорува огнот во Украина, за почеток – тоа е огромно злосторство. Зошто Соединетите Американски Држави не го охрабруваат Зеленски, украинскиот претседател, да преговара, избегнувајќи ја потребата од оваа ужасна, ужасна војна која убива… Не знаеме колку Руси“, изјавил тој.
САД ја снабдува Украина со оружје. Администрацијата на американскиот претседател Џо Бајден денеска информираше дека на Украина ќе ѝ испрати уште еден пакет воена помош, во вредност од милијарда долари или 980 милиони евра. Ова е најголемата испорака на оружје за Украина од американските резерви.