Последната делница го има највисокиот и најдолг мост на Балканот: Поврзана Приштина со Македонија
Објавено во: Балкан 30 Мај, 2019
Последната делница на автопатот „Арбр Џафери“ од Приштина до границата со Македонија беше свечено пуштен во сообраќај.
Автопатот во должина од 65 км според министерот за инфраструктура на Косово, Паљ Љекај чинел 706 милиони евра.
Работите на патот ги изведувал американско турскиот конзорциум Бектел - Енка, додека на неговата изградба биле ангажирани 383 подизведувачи од Косово и на него работеле 9 384 работници.
На овој автопат се наоѓа највисокиот и најдолг мост на Балканот. Долг е 5,7 км а најголемата висина е 83 метри.
Македонската страна најави дека годинава ќе почнат и работите на изградба на автопат кој ги поврзува двете земји.
По тој повод премиерот кој беше дел од церемонијата на свечено пуштање на автопатот, кажа дека ова е мотив за Македонија да ја забрза постапката , потенцирајќи дека набрзо ќе биде објавен тендер за патот од Блаце до Скопје кој е во должина од 14км.