ПОТРАГАТА ПО ПРЕЖИВЕАНИ ЗАПИРА: Во Иран земјотресот „збриша“ цели села
Објавено во: Свет 14 Ноември, 2017
Земјотресот кој завчера го зафати Иран уби 530 лица, информираа денеска локалните власти.
Над 1000 лица се повредени, а 30.000 домови се уништени.
Се наведува дека неколку села се целосно избришани од мапата.
Поради малите шанси за пронаоѓање на преживеани се стопирани спасувачките операции.
По земјотресот со јачина од 7,3 степени во областа кај иранско-ирачката граница, преживеаните, од кои многумина останале без покрив над глава. Тие во текот на ноќта се бореле со ниските температури, а следниот ден се соочиле со недостиг на храна и вода.
Иранската новинска агенција ИРНА наведува дека според бројот на загинатите ова е најсмртоносниот земјотрес во последните 10 години.
Претседателот Хасан Рохани изјави дека неговата администрација ќе покрене истрага за големите штети на зградите изградени во рамки на државниот проект во пограничниот регион меѓу Иран и Ирак, кој е најсилно погоден од земјотресот. Тој најави дека повторно и во најкраток можен рок ќе го изгради регионот.