Повеќе од 36 часа кумановските пожарникари помагаат во Старо Нагоричане

Добивај вести на Viber

Повеќе од 36 часа екипите на ТППЕ Куманово помагаат во Старо Нагоричане, каде беснеат пожари. 

Помагаат во  Малотино, како и во селата Ваксинце и Матејче во Липково.

„Во последните 24 часа на територија на Општина Куманово имаме регистрирано 9 пожари и интервенции од страна на ТППЕ Куманово на отворен простор и шумски пожари на локација - Тромеѓа, Четирце, Пуковско, Пезово, Бељаковце. Дополнително и на локација Доброшане каде што е интервенирано при гасење во фабрика за преработка на дрво, на локација во с. Зубовце и с. Мургаш каде всушност е и најсериозниот пожар во изминатите 24 часа, во кој беа опожарени поголем број на куќи, покуќнини и домаќинства. За среќа нема човечки жртви и немаме сериозни здравствени повреди, освен во еден случај кадешто дополнително од страна на надлежни медицински лица ќе се утврдат последиците. Лично, утрово ги посетив овие опожарени локации и во моментов, територијата на с. Мургаш е комплетно ставена под контрола, се работи активно и на локација во близина на с. Бељаковце, локалитет Липец, каде што директно имаме противпожарна екипа“, информира градоначалникот на Куманово, Максим Димитриевски. 

Апелира до жителите на територија на селото Бељаковце да бидат  внимателни, бидејќи има одредени места на кои може да се реактивира пожарот.

Министерката за одбрана, Радмила Шекеринска, денеска беше со припадниците на Армијата активирани во справувањето со пожарите кај Кокино, соопшти Министерството за одбрана. 

Гори на повеќе локации во државата.