Повисоки плати ќе земаат вработените во градинките
Објавено во: Економија 24 Јули, 2019
Од Министерството за труд и социјална политика излегоа со ново ветување за вработените во градинките.
„Почнувајќи од јунската плата, којашто на поголемиот дел од вработените веќе им е исплатена, стручниот кадар во градинките доби зголемување во просек од 16%, што е околу 3.000 денари во нето-износ по вработен. Во септември годинава вработените во детската заштита ќе добијат и уште едно зголемување од 5%. Со тоа вработените во детските градинки добиваат покачување на платите за 21%, коешто е најголемо до сега“, изјави министерката за труд и социјална политика, Мила Царовска.
Таа информира дека нето-платата на воспитувач со високо образование се зголемува за 16,26%, односно од 20.546 денари на 23.731 денар, а со пресметан минат труд за вработен со 15 години стаж ќе изнесува 25.511 денари. Зголемувањето на платите се прави согласно Законот за вработените во јавниот сектор и со него ќе бидат опфати 3.138 вработени од вкупно 4.577 вработени, односно 68,5%.