Повредени седум мигранти и две штипјанки
Објавено во: Македонија 12 Јули, 2020
Повредени се седум мигранти и две штипјанки во сообраќајката што доцна попладне се случи на патот Штип-Радовиш, веднаш по штипското село Лакавица.
Повеќето од мигрантите се со потешки повреди по телото, но по прегледите точно ќе се знае тежината на повредите.
Меѓу повредените нема деца.
Според информациите од портаролот на СВР Штип, Гордана Панајотова, во сообраќајната незгода учествувале две патнички моторни возила, во едно имало мигранти, неофицијално околу десетина.