Пожар го уништи основното училиште „Страшо Пинџур“ во Штип
Објавено во: Македонија 19 Јуни, 2019
Пожар имало вчера во основното училиште „Страшо Пинџур“ во Штип.
Во СВР Штип вчера е пријавено дека во периодот од 23.30 часот на 17 јуни 2019 до 00.10 часот на 18 јуни 2019 година се случил голем пожар во основното училиште „Страшо Пинџур“ во село Крупиште, штипско. Како што соопшти СВР Штип, пожарот целосно го уништил инвентарот и кровната конструкција на стариот објект од училиштето „Страшо Пинџур“, но зафатил и дел од кровната конструкција на новиот објект од училиштето.
По пријавата екипата на Територијалната противпожарна единица Штип реагирала брзо, па пожарот е изгаснат. Увид на лице место извршила екипа од СВР Штип, информираат од МВР.
Полицијата работи за откривање на причината за пожарот во основното училиште „Страшо Пинџур“.