ПОЖАРИ: Гори во Гостивар, во Дебар изгоре штала и добиток , во Кратово повредена жена

Добивај вести на Viber

Повеќе пожари има во Македонија, при што денеска гори во Богданци, но и во Гостивар. 

Попладнево гори пред влезот во Гостивар.

Пожарот засега нема да загрози некое населено место, но со голема брзина се шири кон планината.

Во пожар кој избувнал синоќа во штала во Дебар, изгореле повеќе грла добиток, а изгорена е и поголема количина сено.

Џетан Мифтароски, командир на Територијалната протвпожарна единица вели дека дојавата за пожарот ја добиле во 22:40 часот, по што веднаш се упатиле кон шталата, која е сместена во кругот на поранешниот армиски гарнизон.

Жена се здобила со тешки изгореници откако се запалила нејзината помошната просторија од викендица во Кратово.

Во 14.20 часот во Полициската станица Кратово, 66-годишната Л.П. од Кратово пријавила дека истиот ден околу 14.00 часот на место викано „Лискавица“ во помошната просторија од викендица, на 59-годишната Л.К. настанал пожар, кој потоа се проширил на отворен простор. Л.К. се здобила со изгореници на двете раце и на лицето, по што во Здравствениот дом Кратово добила лекарска помош.

Територијалната противпожарна единица Кратово го локализирала огнот. 

Увид на местото на настанот извршила увидна екипа од Полициската станица Кратово.

фото Пресинг.тв