Пожарот кај Атина ставен под контрола
Објавено во: Балкан 12 Август, 2019
Големемиот пожар кој силно се рашири синоќа во источните предградија на Атина е ставен пред зори под контрола.
Пожарот избувнал на падините на планината Химетус, кој ги одделува предградијата на Пени од главниот град, пренесува АП.
Најмалку 140 пожарникари со 46 возила се бореле со пожарот и им се придружиле осум специјализирани хеликоптери во зори, соопштија властите.
Противпожарната служба соопшти дека пожарот избувнал меѓу локалните домови, но нема извештаи дека гори било кој од домовите.
Засега нема извештаи за штети.
Властите предупредуваат на високиот ризик од пожари во поголем дел од Грција поради високите температури и ветерот.