Познато е колку пари како дивиденда ќе добијат акционерите на Македонски Телеком
Објавено во: Економија 10 Септември, 2019
Собранието на Македонски Телеком АД – Скопје, на својата годишна седница одржана вчера ја усвои Одлуката за исплата на дивиденда на Друштвото за 2018 година и утврдување на дивиденден календар.
Во согласност со Одлуката на Собранието, Македонски Телеком АД – Скопје, информира дека дивидендата за 2018 година се утврдува во вкупен бруто износ од 1.596.062.214,00 денари или бруто износ од 18,50 денари по акција (заокружено на две децимали), во кој се вклучени сите даноци, каде што е применливо, и кои ќе бидат задржани и платени од бруто дивидендата согласно со важечката даночна регулатива во Република Северна Македонија на датумот на исплатата.
„Сите акционери кои се евидентирани во Книгата на акционери на Македонски Телеком АД –
Скопје на 30.05.2019 година имаат право на дивиденда за 2018 година. Последен ден на тргување
со право на дивиденда за 2018 година беше 28.05.2019 година, додека прв ден на тргување без
право на дивиденда за 2018 година беше 29.05.2019 година. Исплатата на дивидендата за 2018 година ќе се изврши на 26.09.2019 година“, објавено е на Македонска берза.
На кој начин ќе се озврши исплата за прави и физички лица, повеќе на линкот.