Познато е во која земја од бивша Југославија минималецот е „најтенок“
Објавено во: Економија 14 Октомври, 2019
Податоците покажуваат дека најнискиот минималец во регионот се исплаќа во Македонија.
Maкедонските работници земаат најмалку односно 203 евра. Премиерот Зоран Заев најави дека утре може да биде објавено колку ќе изнесува новата минимална плата за работниците во земјава. Според последните достапни податоци минималецот во Босна и Херцеговина е 208 евра, во Албанија 211 евра, а во Црна Гора неодамна минималецот е зголемен на 222 евра, пишуваат регионалните медиуми.
Во Србија најниската заработувачка сега е околу 230 евра, но следната година се очекува зголемување за 11 отсто, па од први јануари минималецот во Србија ќе се зголеми на 255 евра.
Хрватските работници земаат најмалку 405 евра, а во Словенија минималецот е најголем и изнесува 667 евра.