ПОЗНАТО КОЛКУ ЛУЃЕ ПОЧИНАЛЕ: Аерозагадувањето убива во Европа
Објавено во: Свет 17 Октомври, 2019
Аерозагадувањето убива во Европа.
Загадувањето на воздухот во 2016 година довело до 400.000 предвремени смртни случаи, а скоро секој жител на Европа кој живее во градовите е изложен на загадување над дозволеното.
Овие страшни податоци се наведени во извештајот на Европската агенција за заштита на животната средина (ЕЕА), што беше објавен вчера.
,,Загадувањето на воздухот во моментов е најголем ризик за животната средина кога станува збор за здравјето на луѓето“, се наведува во извештајот на ЕЕА.
Авторот на извештајот, специјалистот за квалитет на воздухот на ЕЕА, Алберто Гонзалез Ортиз, вели дека иако нивоата на опасни и штетни честички се намалуваат во европските градови, тоа не напредува со доволна брзина.