Познато колку точно пари СЈО потрошило во 2018-та

Добивај вести на Viber

Специјалното јавно обвинителство во кварталниот извештај што го објави денеска вели дека потрошило 195,3 милиони денари во текот на целокупната 2018-та.

- Вкупната реализација на одобрениот буџет за 2018 година, заклучно со 31.12.2018 година изнесува 195.321.542 денари денари или 85,43% од буџетот на ова Јавно обвинителство. Во 2018 година не се реализирани 14,57% од одобрениот буџет за 2018 година, односно не се потрошени средства во вкупен износ од 33.311.458 денари кои на 31.12.2018 година се повлечени во Буџетот на Република Северна Македонија - се вели во извештајот.

Со средствата се подмирувани плати и надоместоци на јавните обвинители, плати и надоместоци на вработените во јавнообвинителската служба, средства за набавка на стоки и услуги, трошоци за време на постапките, вклучувајќи и средства за советувања и мислење од експерти, средства за професионално унапредување на јавните обвинители и вработените во јавнообвинителската служба, добивање на капитални инвестиции и средства за одржување на просториите и опремата во Јавното обвинителство. 

Во периодот од 15 септември 2018 до 31 декември 2018 година потрошени се средства во вкупен износ од 76.437.440 денари или 33,43 отсто од одобрениот буџет.