Пратеничката Стојчевска: Мојот син е дефицитарен кадар, секако би се вработил
Објавено во: Македонија 12 Февруари, 2019
По потврдата дека синот на пратеничката од владеачкото мнозинство Мира Стојчевска се вработил во АД ЕЛЕМ, пред јавноста истакна дека тој бил дефицитарен кадар и секако би се вработил.
„Нашите деца секако ќе бидат вработени некаде, според нивните струки и образование. Имајте предвид дека се дефицитарни градежните инжинери. Колку што знам, тој сега е вработен во секторот за инвестиции“, изјави Стојчевска за А1он.
Пратеничката од редовите на СДСМ, позната по тоа што беше меѓу највисокоисплатените за патни трошоци, додаде дека не ни знаеле дека нејзиниот син се пријавил на огласот,.
Од Електрани на Македонија вчеа потврдија дека Виктор Стојчевски е вработен затоа што ги задоволил критериумите. Засега не се знае за колкав број на вработувања станува збор и дали тој бил единствен примен на работното место.