Пратениците на ВМРО-ДПМНЕ наместо во Собрание се селат во седиштето
Објавено во: Македонија 11 Јануари, 2019
Оратеничката група на ВМРО-ДПМНЕ наместо во Собранието, денеска се повикани на состанок од раководството во седиштето во платата Христо Татарчев. Станува збор за попладневен состанок истовремено кога ќе започне третиот ден од седницата за последната фаза од уставните измени.
Најверојатно се работи за мерка со која партијата ќе може подобро да ги контролира своите пратеници од евентуалниот обид некој да се одметне, како во случајот со осумтемина исклучени благодарение на кои беа отворени уставните измени.
Претседателот на ВМРО-ДПМНЕ, Христијан Мицкоски наедно свика и седница на Извршниот комитет и во текот на денот ќе бидат во постојано заседавање каде ке се разговара за актуелната состојба поврзана со уставните измени.
Од партијата брифираат дека се вршат жестоки притисоци од власта и премиерот Зоран Заев за обезбедување мнозинство за гласање на уставните измени.
„Се гази демократијата и Заев, по секоја цена, спротивно на волјата на граѓаните тргнал кон промена на името. Заев е уплашен човек, всушност, операцијата за промена на името станува операција за спас на неговата кариера. Националното обезличување станува негов врвен приоритет“, велат од ВМРО-ДПМНЕ.