ПРАТЕНИЦИТЕ ПРЕД ЗОРИ ГЛАСАА: Мизрахи разрешена од функцијата министер за труд и социјална политика
Објавено во: Македонија 15 Февруари, 2020
Собранието синоќа ја разреши Рашела Мизрахи од функцијата министер за труд и социјална политика.
Таа е разрешена со 62 гласа „за“ и 26 „против“.
Мизрахи во говорот пред разрешувањето рече дека не го прекршила Уставот.
Техничкиот премиер, Оливер Спасовски го тврдеше спротивното и тврдење дека таа со своите активности нанела штета на граѓаните и државата.
Мизрахи е разрешена затоа што држеше прес-конференција пред пано во МТСП на кое пишува Република Македонија.
Пратеникот Илија Димовски од ВМРО-ДПМНЕ посочи на повеќе примери каде или се употребил терминот „северномакедонски“, или стои Република Македонија, а тие функционери не се разрешени. Димовски го повика Спасовски да го повлече предлогот за разрешување, но тој не го стори тоа. Се дискутираше со часови, а седницата траеше и по полноќ.