Пратеник од листата на СДСМ седнува во пратеничкото столче на Богоевски
Објавено во: Македонија 11 Јуни, 2019
Александар Филиповски e пратеникот кој ќе замени пратеникот Павле Богоевски чија оставка е констатирана денеска во Собранието. Тој беше на листата на СДСМ во првата изборна единица.
На денешната седница беше констатирана експресно и оставката на бегалецот Никола Груевски кој ужива политички азил во Унгарија.
Извештајот за констатираните оставки на пратениците ќе биде испратен до ДИК која веднаш на седница ќе ги констатира и ќе ги предложи Камчев и Филиповски за нови пратеници.
Се очекува информацијата за двајцата нови пратеници ДИК да ја проследи во текот на попладнево.