Празничниот продолжен викенд ни носи ваква временска прогноза
Објавено во: Македонија 24 Мај, 2019
Доколку планирате да прошетате на отворено на денешниот празничен ден понесете чадор со себе, метеоролозите најавуваат дожд за попладне.
Првиот ден од продолжениот викенд ќе го започнеме со сончево време со умерена облачност. Според синоптичарите на запад од земјава ќе дува слаб западен ветер, додека во источните делови од државата ќе дува умерен северозападен ветер.
Попладне ќе биде нестабилно со локален пороен дожд, грмежи и засилен ветер, особено во западните делови.
Утринските температури на воздухот ќе се движат во интервал од 6 до 14 степени. А дневните температури ќе го достигнат максимални 26 степени целзиусови.
За утре, сабота според управата за хидрометеоролошки работи не очекува сончево време, со мала до умерена облачност и слаб до умерен северен ветер.
За последниот ден од празничниот викенд синоптичарите најавуваат сонце, но и повторна дестабилизација кон крајот на денот и врнежи од дожд, посебно во западните делови од земјава.