Предупредување за силно невереме во Европа и Јужен Балкан
Објавено во: Свет 27 Мај, 2022
Естофекс (Европски систем за предупредување од бура) издаде предупредување од прв степен за итни случаи за јужните Алпи, за Балканот и јужна Русија. Предупредувањето од прв степен е издадено поради силни налети на ветер и силен град, според наводите на нивната веб-страница.
- Најавен е голем град и силни налети на ветер, заедно со невреме што ќе се движи кон југоисток во текот на вечерните и ноќните часови - стои во предупредувањето на веб-страницата „Естофекс“.
Променливо време со опасност од силен ветер и град, се очекува и на јужниот дел на Балканот, и кон Турција.
Студен фронт во наредните часови ќе се движи и над јужна Русија, а за балтичките земји и Белорусија се најавуваат и невреме со врнежи и грмотевици, како и засилен ветер, додека мала е можност за торнада.