Преку детска игра до врвно образование

Добивај вести на Viber

Патот од игротеката до полнолетството навидум изгледа долг, но во реалниот живот безгрижната детска игра и планирањето на факултетските денови врват рака под рака.

Дека е тоа така, нѐ уверија од тимот на КД Фондови, отворајќи ги широко вратите на игротеката Киндер Парк за сите заинтересирани родители и нивните најмили. Над 60 дечиња уживаа во безгрижната игра, пропратена со едукативни работилници, цртање, боење и детски анимации.

Секој родител несомнено го посакува најдоброто за своето дете. Токму тоа беше и тематиката на овој настан. Преку одржаното едукативно советување, КД Фондови го промовираше наменскиот продукт за детско вложување, со низа поволности за родителите и поширокото семејство.

Овој начин на вложување е особено поволен во време кога каматите на депозитите во банка се доста ниски, овозможувајќи постепено акумулирање на солидни износи, без притоа да се прават големи откажувања од семејната живејачка.

Основата на продуктот ја чинат вложувањата во светски познати брендови (Apple, Google, Mercedes, Microsoft, Coca Cola, Nike…), чии приноси, согледано долгорочно, ги надминуваат каматите на штедните влогови и постепено ја оплодуваат создадената заштеда. А колку периодот на вложување е подолг, толку и потенцијалната заработка е повисока. Она што е особено важно да се напомене е и дека овој план за постепено вложување е единствен на пазарот со 0% пристапни трошоци.

Вложувањето во фондови е светски прифатена пракса за одговорно, елегантно и навремено обезбедување на потребните средства за идна едукација -сушта спротивност на општо прифатеното кај нас подигнување на потрошувачки кредит кога ситуацијата ќе загусти.

Како дополнителна бенефиција кон овој продукт, промовирана беше и соработката со Универзитетот Американ Колеџ Скопје, преку која за сите корисници на детското вложување се обезбедуваат специјални попусти при упис на некоја од образовните програми на колеџот.

Упатуваме голем поздрав до сите дечиња и нивните родители кои присуствуваа на настанот, покажувајќи одговорност за иднината на своите најмили и посветеност за навремено делување.