Премиерот Ковачевски во Белград пречекан со највисоки државни и воени почести
Објавено во: Македонија 31 Март, 2023
На церемонија со највисоки државни и воени почести претседателот на владата на Република Северна Македонија, Димитар Ковачевски денеска во Белград беше пречекан од премиерката на Република Србија Ана Брнабиќ.
Ковачевски на покана на Брнабиќ е во официјална посета на Белград, и ја предводи владината делегација, со министрите за внатрешни работи Оливер Спасовски, за економија Крешник Бектеши, за земјоделство, шумарство и водостопанство Љупчо Николовски, за транспорт и врски Благој Бочварски како и заменик министерот за информатичко општество и јавна администрација Александар Бајдевски.
Во фокусот на разговорите се севкупните билатерални односи, кои се без отворени прашања меѓу Северна Македонија и Србија како и соработката меѓу двете држави која е сестрана и добро развиена.
На средбата беше разговарано за многубројните проекти кои се во тек и беа договорени активности во наредниот период во областа на економијата, културата, дијаспората и други области.
Соговорниците говореа и за европската иднина на Западен Балкан, како и реформските процеси и услови кои се залагаат да ги исполнат земјите за што побрза интеграција во ЕУ .
По завршувањето на тет-а-тет средбата на двајцата премиери, ќе се одржи пленарен состанок на двете владини делегации и ќе бидат потпишани неколку билатерални документи.
Можеби ќе ве интересира
Македонката која исчезна во Германија e пронајдена мртва
ФАКТОР НА ДЕНОТ: Орбан се нуди да посредува меѓу Македонија и Бугарија, но Бугарите одбија
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
ГО ОДБИЈА ОРБАН: Бугарите не сакаат посредници за односите со Македонија
MAКСИМ НА СРЕДБА СО РУСКИОТ АМБАСАДОР: Во кумановските училишта ќе се учи рускиот јазик
БУГАРСКИ НОВИНАРИ И АНАЛИТИЧАРИ: Во Македонија се очекува јасен став од албанските партии, го споменаа и Орбан
РАДЕВ ЗА КОЧНИЦАТА ЗА МАКЕДОНИЈА: Tоа се логични последици од она што се случува во Скопје и Тирана
„Заев и Филипче лажеа дека Македонија ги почнала преговорите“: Митева од ВМРО вели „само СДС и ДУИ се апстрахираат од одговорност“
