ПРЕМИЕРОТ СРЕЌЕН: Дали Пендаровски може да го убеди Макрон за датумот?
Објавено во: Македонија 05 Ноември, 2019
Премиерот Зоран Заев е задоволен затоа што ќе има средба помеѓу македонскиот претседател и францускиот, Стево Пендаровски и Емануел Макрон во вторник.
Заев вели дека ќе ги претстават своите аргументи. Пендаровски ќе се обиде да го убеди Макрон дека Македонија заслужува да добие датум за преговори.
„Среќен сум што конечно висок наш претставник ќе се види со првиот човек на пријателска Франција и да се разговара за сите аргументи, за Макрон да ги разгледа ситуациите, прашањето не е важно само за Северна Македонија, за Западен Балкан, туку и за Европа“, вели Заев.
Средбата ќе се одржи за време на посетата на Пендаровски на Париз, на 12 ноември.
Се очекува на средбата шефот на македонската држава да дознае нешто повеќе за француската идеја како земјава да ги надмине пречките на патот кон Европската унија.
Франција на самитот во Брисел стави вето на одлуката Македонија и Албанија да ги почнат преговорите.Нова порака имавме вчерса од Франција, а тоа е дека за Македонија нема друга алтернатива освен ЕУ.
Заменик претседателката на францускиот Сенат, Елен Конве - Муре, на македонските претставници и од власта и од опозицијата им рекла дека државата нема друга алтернатива освен полноправно членство во Унијата.
Францускиот амбасадор во Скопје, Кристијан Тимоние, вчера во Собранието рече дека во мај на следниот Самит на ЕУ во Загреб може да се очекуваат добри вести за Македонија, но само ако се дадат „позитивни точки од ваша и од наша страна“.Макрон е резервиран кон проширувањето, а Заев се обидувал да идејствува средба со него претходно, но не успеал.